Einmitt

Var það ekki óþægilegur sannleikur Al Gore að yfirborð sjávar myndi hækka allt að 7 metrum? Samkvæmt þessu á að hækka þetta í 21 metra núna. Ég myndi nú frekar kalla þetta óþægilegt bull, því eftir því ég sem ég get lesið mér til um þessar hrakfallaspár er reiknað með að yfirborð sjávar muni geta hækkað um 10-25 cm til næstu aldamóta. Hollendingar þurfa því að byrja að skipuleggja 1-2 cm hækkun á sínum varnargörðum á 10 ára fresti og veðja á að þessi spá sé í einhverjum tengslum við raunveruleikann.

Ég er farinn að gruna það illilega að þessi hrakfallaspá sé viðskiptalegs eðlis og miði að sölu fjölmiðla meira en nokkuð annað. Eins og fuglaflensu heimsfaraldurinn, og kannski núna þessi svínaflensa. Árlega látast 36.000 manns af völdum venjulegrar flensu í USA, hingað til er STAÐFESTUR fjöldi látinna af völdum svínaflensu 7.

Kannski er eina leiðin til þess láta ekki hafa sig að fífli að sleppa því algerlega að lesa fjölmiðla.

Þrefalt meiri hækkun sjávar

Þvílíkur hroki!

Ég veit ekki hver skrifaði þessa "frétt" en það er auðvitað alger þvæla að íslensk svín hafi aldrei fengið flensu.  Ég þekki mörg íslensk svín og ég man ekki betur en að þau hafi fengið flensu jafnt sem aðrir.  Ég man t.d. eftir þýskukennaranum mínum (nefni engin nöfn) og veit það fyrir víst að hann fékk amk. einu sinni flensu.  Það eru mörg önnur dæmi sem ég ætla ekki að telja upp hér, en spurningin sem maður getur spurt sig er hvaða erinda mbl er að ganga með svona misvísandi fréttaflutningi. 

Íslensk svín hafa aldrei greinst með inflúensu

Lengi má ljúga að sjálfum sér

Tyrkir þverskallast enn og aftur að viðgangast ábyrgð á þessu þjóðarmorði. Það er hreint með ólíkindum að þeir geti upp með þennan hroka og sögufölsun. Lesið og fræðist;

http://en.wikipedia.org/wiki/Armenian_genocide

Hvernig hefði það verið ef Þýskaland hefði farið í samskonar þrætur um helför nasista?  Það hefði væntanlega einangrað þá algerlega í alþjóðlegu samstarfi.  Þjóðir hafa einangrast fyrir minni sakir, eins og td. Kúba.  Ég mæli með því að tyrkir verði einangraðir þangað til þeir taka á sig sökina.

 

Tyrkir ósáttir við Obama

Af hverju X-D

Í fyrsta lagi;

það er ótrúleg ókurteisi að breyta lögum um seðlabanka.

Í öðru lagi;

íslenska krónan fellur auðvitað á meðan það er NORSKUR seðlabankastjóri.

 Í þriðjalagi;

Það er alger skömm að forsætisráðherra Íslands skuli þiggja ráð frá öðrum ráðherrum.

 

Þar með er það ljóst að þessi ríkistjórn er með öllu óhæf og lýk ég hér máli mínu.

Kjósið SjálfstæðisFLokkinn! 

 

Þvermóðska Jóhönnu gerði hana að forsætisráðherra

Loksins

Mig hefur lengi dreymt um að geta bannað lopapeysuna mína. Að þetta sé nú hægt að gera, og það á netinu er öllum vonum framar. Vonandi verður bráðum hægt að banna sokkana mína líka, því ekki veitir af því.
Yfir höfuð er það stórkostleg framför að einstaklingum sé nú boðið upp á að stunda persónulega löggjöf. Reyndar hefur það verið hægt, en með þeim annmörkum að enginn annar en viðkomandi einstaklingur hefur vitað af því. Núna get ég bannað lopapeysuna mína, og allir geta farið inn á netið og séð það með eigin augum; "Já, hann Jón er búinn að banna lopapeysuna sína".

Þetta á án vafa eftir að verða vinsæl þjónusta, og ekki síst á þessum krepputímum. Hvað er betra, þegar maður situr slyppur og snauður, atvinnulaus og aumur en að fara bara inn á netið og banna helvítis lopapeysuna?

Ég bara spyr.

Hægt að hanna sína eigin lopapeysu á netinu

Kynhneigð forsætisráðherra

Ég man ekki eftir því að kynhneigð forsætisráðherra hafi verið mikið rædd hingað til og mér finnst það skrýtið að gera þurfi slíkt að umræðuefni. Forsætisráðherra gegnir ekki hlutverki sínu af sökum kynhneigðar sinnar.

Í Noregi er Hægri maðurinn Per-Kristian Foss samkynhneigður í sambúð með öðrum manni. Hann var fjármálaráðherra 2001-5 og er mikið í sviðsljósinu. Aldrei verður norðmönnum þó kynhneigð hans tíðrædd, enda kemur hún málinu bara ekkert við. Hann er þar að auki mjög fær stjórnmálamaður, kemur vel fyrir og er flokki sínum góð auglýsing. En sem sagt; ekki af því að hann er samkynhneigður.

Jóhanna vekur heimsathygli

"Fréttaflutningur"?

Mér finnst þetta vera lágkúrulegur "fréttaflutningur" morgunblaðsins. Hér er vitnað í nafnlausan gogg í Sjálfstæðisflokknum sem vill koma höggi á fyrrverandi meðstjórnarmenn. Kallast þetta góð blaðamennska? Hefði ekki verið nær að ná tali af nafngreindu fólki úr báðum flokkum og borið þetta undir þau til þess að þetta gæti talist blaðamennska?

Sama gamla sagan. Hefur morgunblaðið EKKERT lært af hremmingum undanfarinna mánuða?

„Ótrúlega ómerkilegt“ af Samfylkingu

Óvenjulegt en eðlilegt

Íslensk þjóðstjórn er í upplausn og aðstæður eru vægast sagt óvenjulegar. Við stöndum frammi fyrir stjórnmálalegri ringulreið sem getur orðið þessari þjóð dýrkeypt. Þess vegna er það eðlilegt og æskilegt að forseti gangi skörunglega fram og sýni sig sem verðugur og óflokksbundinn umboðsmaður þjóðarinnar. Mikilvægt er að íslendingar standi á bak við forseta sinn og veiti honum það siðferðislega umboð sem hann þarfnast til þess að sigla þjóðarskútunni í örugga höfn.

Ég skora á fólk að láta gamlar þrætur liggja milli hluta og fylkja liði bak við forseta sinn. Oft er þörf en nú er nauðsyn.

„Óvenjulegt frumkvæði“

Ef sendandinn væri Ísrael

Það sem Konungur Sádí-Arabíu er að gera er það sem Ísrael ÆTTI vera búið að gera. Þetta er lykillinn að varanlegum friði. Ég minnist þess ekki að ísraelsk yfirvöld hafi gefið út nokkra yfirlýsingu sem sýnir hina minnstu samúð með saklausum fórnarlömbum "helfarar" þeirra. Það er vegna þess að þeir hafa enga samúð með þeim. Svo einfalt er það og það er einmitt það sem gerir þeim kleyft að stunda þessa helför.

Ef Ísrael viðurkenndi og þyrði að horfast í augu við þær þjáningar sem palestínumenn hafa gengið í gegnum undanfarin 60 ár og tæki sína ábyrgð á þeim væri fyrsta og mikilvægasta skrefið í átt til friðar og fyrirgefningar tekið. Fyrr en þetta gerist mun allt sitja við það sama og allir búa við hrellingar og blóðsúthellingar. Að sama skapi þurfa palestínumenn að skilja hverjar fórnir ísraela hafa verið og taka ábyrgð á þeim.

Þessi helför hefur gert vonir um frið á þessu svæði að atlægi.

Gefur milljarð dala

Rangfærslur mbl

Það eru rangfærslur í þessari grein mbl. Ekki kemur skýrt fram hvort allur tekstinn er þýðing úr Haaretz eða bara hluti af honum, en morgunblaðið hlýtur að bera ritstjórnarlegaábyrgð á innihaldi hans engu að síður. Rangfærslan sem ég vil benda á er sú staðhæfing að Palestínumenn hafi brotið vopnahléið á þeim forsendum að það væri útrunnið. Rétt er að Ísrael hafði brotið skilmála um að þeir skyldu aflétta farbanni og aðflutningi nauðsynja til Gaza. Þetta skapaði neyðarástand á Gaza og ber að jafna við árás á óbreytta borgara. Að auki sendu þeir hermenn inn á svæðið í "aðgerð" sem kostaði 6 palestínumenn lífið þann 5.nóvember. Enn hafði engin skotið neinu skoti að Ísrael.

http://www.guardian.co.uk/world/2008/nov/05/israelandthepalestinians

http://www.timesonline.co.uk/tol/news/world/middle_east/article5089940.ece

 

Þetta "vopnahlé" virtist því bara gilda fyrir palestínumenn og Ísrael virtist að engu bundið af þessu samkomulagi. Í ljósi þessa lýstu palestínumenn vopnahléið ógilt, enda til mikilla ókosta fyrir þá. Það er auðvitað ekki málið "hver skaut fyrst" enda hafa menn skotið taumlaust þarna í bráðum 100 ár. Hins vegar réttlæta ísraelsmenn þau skipulögðu fjöldamorð og stríðsglæpi sem þeir eru núna að framkvæma með þeirri staðhæfingu að Palestínumenn hafi brotið vopnahléið. Það er röksemdafærsla sem er í besta falli röng og einungis hluti af þeim lygavef sem þeir spinna af miklum móð um þessar mundir. Morgunblaðið ber ritstjórnarlega ábyrgð á því efni sem er birt þar. Það er ekki hægt að fela sig á bak við þýðingu úr erlendum fjölmiðlum. Það má benda á að allir fjölmiðlar í Ísrael eru undir ritskoðun um þessar mundir. Allt efni sem varðar Gaza þarf að senda til hersins fyrir birtingu og ekki er hægt að birta efnið fyrr en samþykki fæst frá hernum. Af þessum sökum eru ísraelskir fjölmiðlar frekar lélegur pappír í þessu samhengi. Þetta hlýtur morgunblaðið að vita. Þar hljóta að vinna alvöru blaðamenn sem hægt er að treysta að vinni ekki í þágu einhverra annarlegra afla. Eins og t.d. ísraelska hersins.

Ísraelar vilja ótímabundið vopnahlé