Bloggfærslur mánaðarins, janúar 2009

Kynhneigð forsætisráðherra

Ég man ekki eftir því að kynhneigð forsætisráðherra hafi verið mikið rædd hingað til og mér finnst það skrýtið að gera þurfi slíkt að umræðuefni. Forsætisráðherra gegnir ekki hlutverki sínu af sökum kynhneigðar sinnar.

Í Noregi er Hægri maðurinn Per-Kristian Foss samkynhneigður í sambúð með öðrum manni. Hann var fjármálaráðherra 2001-5 og er mikið í sviðsljósinu. Aldrei verður norðmönnum þó kynhneigð hans tíðrædd, enda kemur hún málinu bara ekkert við. Hann er þar að auki mjög fær stjórnmálamaður, kemur vel fyrir og er flokki sínum góð auglýsing. En sem sagt; ekki af því að hann er samkynhneigður.


mbl.is Jóhanna vekur heimsathygli
Tilkynna um óviðeigandi tengingu við frétt

"Fréttaflutningur"?

Mér finnst þetta vera lágkúrulegur "fréttaflutningur" morgunblaðsins. Hér er vitnað í nafnlausan gogg í Sjálfstæðisflokknum sem vill koma höggi á fyrrverandi meðstjórnarmenn. Kallast þetta góð blaðamennska? Hefði ekki verið nær að ná tali af nafngreindu fólki úr báðum flokkum og borið þetta undir þau til þess að þetta gæti talist blaðamennska?

Sama gamla sagan. Hefur morgunblaðið EKKERT lært af hremmingum undanfarinna mánuða?


mbl.is „Ótrúlega ómerkilegt“ af Samfylkingu
Tilkynna um óviðeigandi tengingu við frétt

Óvenjulegt en eðlilegt

Íslensk þjóðstjórn er í upplausn og aðstæður eru vægast sagt óvenjulegar. Við stöndum frammi fyrir stjórnmálalegri ringulreið sem getur orðið þessari þjóð dýrkeypt. Þess vegna er það eðlilegt og æskilegt að forseti gangi skörunglega fram og sýni sig sem verðugur og óflokksbundinn umboðsmaður þjóðarinnar. Mikilvægt er að íslendingar standi á bak við forseta sinn og veiti honum það siðferðislega umboð sem hann þarfnast til þess að sigla þjóðarskútunni í örugga höfn.

Ég skora á fólk að láta gamlar þrætur liggja milli hluta og fylkja liði bak við forseta sinn. Oft er þörf en nú er nauðsyn.


mbl.is „Óvenjulegt frumkvæði“
Tilkynna um óviðeigandi tengingu við frétt

Ef sendandinn væri Ísrael

Það sem Konungur Sádí-Arabíu er að gera er það sem Ísrael ÆTTI vera búið að gera. Þetta er lykillinn að varanlegum friði. Ég minnist þess ekki að ísraelsk yfirvöld hafi gefið út nokkra yfirlýsingu sem sýnir hina minnstu samúð með saklausum fórnarlömbum "helfarar" þeirra. Það er vegna þess að þeir hafa enga samúð með þeim. Svo einfalt er það og það er einmitt það sem gerir þeim kleyft að stunda þessa helför.

Ef Ísrael viðurkenndi og þyrði að horfast í augu við þær þjáningar sem palestínumenn hafa gengið í gegnum undanfarin 60 ár og tæki sína ábyrgð á þeim væri fyrsta og mikilvægasta skrefið í átt til friðar og fyrirgefningar tekið. Fyrr en þetta gerist mun allt sitja við það sama og allir búa við hrellingar og blóðsúthellingar. Að sama skapi þurfa palestínumenn að skilja hverjar fórnir ísraela hafa verið og taka ábyrgð á þeim.

Þessi helför hefur gert vonir um frið á þessu svæði að atlægi.


mbl.is Gefur milljarð dala
Tilkynna um óviðeigandi tengingu við frétt

Rangfærslur mbl

Það eru rangfærslur í þessari grein mbl. Ekki kemur skýrt fram hvort allur tekstinn er þýðing úr Haaretz eða bara hluti af honum, en morgunblaðið hlýtur að bera ritstjórnarlegaábyrgð á innihaldi hans engu að síður. Rangfærslan sem ég vil benda á er sú staðhæfing að Palestínumenn hafi brotið vopnahléið á þeim forsendum að það væri útrunnið. Rétt er að Ísrael hafði brotið skilmála um að þeir skyldu aflétta farbanni og aðflutningi nauðsynja til Gaza. Þetta skapaði neyðarástand á Gaza og ber að jafna við árás á óbreytta borgara. Að auki sendu þeir hermenn inn á svæðið í "aðgerð" sem kostaði 6 palestínumenn lífið þann 5.nóvember. Enn hafði engin skotið neinu skoti að Ísrael.

http://www.guardian.co.uk/world/2008/nov/05/israelandthepalestinians

http://www.timesonline.co.uk/tol/news/world/middle_east/article5089940.ece

 

Þetta "vopnahlé" virtist því bara gilda fyrir palestínumenn og Ísrael virtist að engu bundið af þessu samkomulagi. Í ljósi þessa lýstu palestínumenn vopnahléið ógilt, enda til mikilla ókosta fyrir þá. Það er auðvitað ekki málið "hver skaut fyrst" enda hafa menn skotið taumlaust þarna í bráðum 100 ár. Hins vegar réttlæta ísraelsmenn þau skipulögðu fjöldamorð og stríðsglæpi sem þeir eru núna að framkvæma með þeirri staðhæfingu að Palestínumenn hafi brotið vopnahléið. Það er röksemdafærsla sem er í besta falli röng og einungis hluti af þeim lygavef sem þeir spinna af miklum móð um þessar mundir. Morgunblaðið ber ritstjórnarlega ábyrgð á því efni sem er birt þar. Það er ekki hægt að fela sig á bak við þýðingu úr erlendum fjölmiðlum. Það má benda á að allir fjölmiðlar í Ísrael eru undir ritskoðun um þessar mundir. Allt efni sem varðar Gaza þarf að senda til hersins fyrir birtingu og ekki er hægt að birta efnið fyrr en samþykki fæst frá hernum. Af þessum sökum eru ísraelskir fjölmiðlar frekar lélegur pappír í þessu samhengi. Þetta hlýtur morgunblaðið að vita. Þar hljóta að vinna alvöru blaðamenn sem hægt er að treysta að vinni ekki í þágu einhverra annarlegra afla. Eins og t.d. ísraelska hersins.


mbl.is Ísraelar vilja ótímabundið vopnahlé
Tilkynna um óviðeigandi tengingu við frétt

Uppljóstrarar óskast

Ríkisrekin stofnun óskar eftir að ráða uppljóstrara sem allra fyrst. Í tilefni fyrirhugaðra fjöldamorða vantar mikið af upplýsingum um hagi fólks í flóttamannabúðum um gervallt land. Nauðsynlegt er að vita staðsetningu skóla, sjúkrahúsa og leikvalla svo hægt sé að hitta þessa staði af nákvæmni.

Vinnutími er sveiganlegur og launin góð. Eftirlaun í sérflokki.

Umsækjendur þurfa að vera venjulegir palestínumenn með trefil svo enginn gruni neitt. Eins þurfa þeir að hafa eftirfarandi eiginleika;

-geta svikið fjölskyldu sína og yfirgefið hana undir rest
-svikið land sitt og þjóðerni
-vera samvisku- og æðrulausir
-hata sjálfan sig og alla aðra araba

Boðið verður upp á námskeið í hebresku og ljósmyndun. Starfslokapakki inniheldur glæsihús í skotfæri flóttamannabúðanna, nýtt nafn og viðtöl við erlenda fjölmiðla.

Svar sendist Haaretz merkt "Drullusokkur"


mbl.is Palestínskur uppljóstrari slakar á í Ísrael
Tilkynna um óviðeigandi tengingu við frétt

Við vissum það nú

auðvitað er þetta mjög gott fyrir fólk í Gaza. Ísraelar er mikil gæfumenni að láta þeim þetta eftir. Eiginlega ættu þeir að taka greiðslu fyrir ómakið, enda hlýtur þetta að kosta mikið fé. Kannski palestínumenn gefi þeim nokkra landskika upp í skuldina. Þeir eru þekktir fyrir það.
mbl.is Livni: Hernaður þjónar hagsmunum beggja
Tilkynna um óviðeigandi tengingu við frétt

Hver eru markmið Ísraels?

Ef ísraelsmönnum er svo í mun að tryggja sjálfum sér öryggi, mætti kannski benda þeim á betri aðferðir til þess að tryggja sér það. Staðan í dag er ekkert annað en sönnun á annörkum þeirrar stefnu sem þeir hafa fylgt gegnum árin. Ef Hamas er vandamálið, hví þá ekki að leita leiða til þess að einangra Hamas pólitískt og gera þá máttlausa með því að fjarlægja grundvöll þeirrar tilvistar? Það væri ísraelsmönnum hægur leikur því þeir hafa öll spilin á hendi sér. Ef ísrael stæði í fararbroddi fyrir því að gera vel við nágranna sína er ekki erfitt að sjá það í hendi sér að stuðningur Gaza-búa við Hamas, eða öllu heldur árasarstefnu Hamas myndi hverfa sem dögg fyrir sólu. Kannski Hamas hefði aldrei sent eitt einasta skeyti ef ísraelsmenn hefðu hagað sínum málum öðruvísi? Ég efast ekki um það sjálfur.

Í staðinn gera ísraelsmenn hið andstæða og tryggja sér áframhaldandi erjur um aldur og æfi. Á meðan þeir stunda fjöldamorð í þágu eigin öryggis er næsta víst að fyrir hvern palestínumann sem er drepinn munu margir aðrir gerast „herskáir“. Erjurnar fá dag hvern dýpri rætur. Hvar er þá þetta öryggi sem þeir vilja tryggja sér? Ég hélt að gyðingar væru svo gáfaðir, en kannski hef ég ofmetið þá?

Í rauninni stendur ekki steinn fyrir steini í rökfræði ísraelsmanna; Vopnahléið, sem ísraelsmenn vilja meina að Hamas hafi brotið, var í rauninni þverbrotið af Ísrael með því að misnota það til víðtækra „almannarefsinga“ (collective punishment). Ísraelsmenn (sem eru ekki beint þekktir fyrir að viðurkenna eða lúta alþjóðlegum samþykktum) voru að murka lífið úr þessum flóttamannabúðum löngu áður en nokkur skeyti voru send af Hamas. Þeir vissu að fyrr eða síðar kæmi til bardaga, með þessu ólöglega umsátri sínu, og viðurkenna fúslega sjálfir að þeir hafir verið búnir að undirbúa þessa árás í 18 mánuði! Þeir byggðu eftirlíkingu að hverfum í Gaza þar sem fjöldamorðið var æft mánuðum saman. Getur nokkur verið í vafa um hvert atburðarrásinni var stefnt af þeim aðila sem hefur öll trompin á hendinni?

Ísraelsmenn svara gagnrýni á morð á óbreyttum borgurum, konum, börnum og gamalmennum, með því að Hamas noti þetta fólk fyrir skyldi. Það mætti spyrja þá á móti hvert þeir vilja að Hamas fari til þess að láta skjóta sig. Hamas eru í miðjum flóttamannabúðum og geta ekki farið neitt. Þessi rökfræði segir að réttlætanlegt sé að sprengja tugi saklausra manneskja ef óvinurinn „felur“ sig á meðal þeirra. Hvernig getur heimurinn horft á þetta og gleypt þessi óþverra-rök hrá? Og hvar finna ísraelsmenn öryggi sitt í framtíðinni þegar þetta fólk, börn þeirra og ættingjar eru búin að jafna sig á þessari árás? Hvergi, nema kannski í enn fullkomnari vopnum og hryllingsklækjum. Og svo framvegis.

Smá tölfræði; á árunum 2000-2008 hafa Hamas skotið 8000 skeytum samkvæmt ísraelskum heimildum. 18 manns hafa misst lífið. Þetta er náttúrulega óhugnalegt, á því leikur enginn vafi og ber að fordæma slíkar tilviljunarkenndar árásir á óbreytta borgara. Á sama tíma hafa yfir 4000 manns farist í umferðarslysum í Ísrael. Það setur þá ógn sem Hamas er í tölfræðilegt samhengi.

Flestum skeytum Hamas hefur verið beint að Sderot, litlu þorpi með um 20.000 íbúa. Á meðan ég óska engum það hlutskipti sem fellur í skaut þeirra sem búa í Sderot, er það staðreynd að engin hefur þvingað þá til þess að búa þar. Þeir geta flutt hvernær sem er. Það geta ekki 1,5 milljón íbúa Gaza. Allt þetta og meira eru forsendur sem stjórnvöld Ísraels hefur skapað og hefur í hendi sér.

Ísraelar nota þessar rakettusendingar Hamas, sem hafa sem sagt krafist 18 fórnarlamba á 9 árum, til þess að réttlæta vel skipulagt og þaulæft fjöldamorð á mörg hundruð palestínumönnum, konum, börnum og hverjum sem á vegi þeirra er. Núna eru 7-800 látnir og 3000 hið minnsta slasaðir. 1,5 milljón manns hefur ekki rafmagn, vatn, mat . Fólk hefur misst heimili sín, skólastarfsemi hefur verið sprengd aftur í miðaldir og svo framvegis. Er eitthvað vitsmunalegt samhengi á milli þessara hluta? Hvernig er hægt að réttlæta slíkar „aðgerðir“? Ef það er öryggi borgara í Ísrael sem er rökfærslan þá halda sú rök ekki einum dropa af vatni.
Þegar ég spyr sjálfan mig hvað það er raunverulega sem vakir fyrir ísraelsmönnum fæ ég bara eitt vitsmunalegt svar. Allt annað er tómur fyrirsláttur og rökleysa.


mbl.is Sprengdu hús fullt af fólki
Tilkynna um óviðeigandi tengingu við frétt

Hver er hlutlaus?

Mér finnst það skrýtið að það sé fréttnæmt efni að heimildamaður frétta sé ekki hlutlaus. Lesendur frétta verða að venja sig við að heimildir séu litaðar. Það er naívt að halda annað og beinlínis hættulegt því fréttaheimurinn er ekkert annað en flóð af lituðum fréttum.
Það er athyglisvert að þessi umdeildu ummæli læknissins varðandi 9/11 lúta að sumu leiti sömu rökfræði og réttlæting ísraela á fjöldamorðum á óbreyttum borgurum í dag sem fyrr. Munurinn er sá að aðgerðir læknissins hafa flestar væntanlega verið í samræmi við læknaeiðinn á meðan flestar aðgerðir ísraela hafa verið á skjön við Genfarsáttmálann og aðra alþjóðlega löggjöf.
Það má einnig benda á að hingað til hafa ísraelar fóðrað fréttastofur með rangfærslum og lygum, og eru ekki síður að stunda upplýsingastríð frekar en þau hryllingsverk sem framin eru í Gaza núna. Það er full ástæða til þess að treysta engu sem kemur úr þeirra smiðju.

Ég myndi frekar trúa þessum lækni en ísraelskum yfirvöldum. Mér finnst hann mun trúverðugri og markmið hans eru mannúðlegri. Það er mikill missir af þessum manni í Gaza.

Það má líka spyrja sig í þessu samhengi hvort mbl sé sá hlutlausi aðili sem æskilegt væri. Það er ekki getið um neinar heimildir í þessari frétt og orðalagið er slíkt að ekki hæfir "hlutlausum" fréttaflutningi t.d.;

" En sumir efast um að rétt sé að nota þá sem fréttamenn og sumt af því sem Gilbert segir um skort á lyfjum og fleiri gögnum virðist vera nokkrar ýkjur og jafnvel uppspuni þótt enginn dragi í efa að hörmungar fólksins séu víða skelfilegar. "

Hverjir eru þessir sumir og getur verið að það séu hinir sömu ísraelsmenn og halda því fram að enginn nauð sé í Gaza? Það finnst mér meira en líklegt, en ég veit auðvitað ekkert um það því morgunblaðið gefur mér ekkert færi á að athuga heimildir.


mbl.is Umdeildur læknir á Gaza
Tilkynna um óviðeigandi tengingu við frétt

Úps

Enn og aftur á þetta ljóð Kristjáns frá Djúpalæk vel við;

Lítil stúlka.

Lítil stúlka.
Lítil svarteyg dökkhærð stúlka
liggur skotin.
Dimmrautt blóð í hrokknu hári.
Höfuðkúpan brotin.

Ég er Breti, dagsins djarfi
dáti, suður í Palestínu,
en er kvöldar klökkur, einn,
kútur lítill, mömmusveinn.

Mín synd er stór. Ó, systir mín.
Svarið get ég, feilskot var það.
Eins og hnífur hjartað skar það,
hjarta mitt, ó, systir mín,
fyrirgefðu, fyrirgefðu,
anginn litli, anginn minn.

Ég ætlaði að skjóta hann pabba þinn.
 

Hér á náttúrulega að vera ísraeli og ekki breti, en allir skilja við hvern er átt. Annars rakst ég á athyglisverða yfirlýsingu frá samtökum gyðinga í Ástralíu;

http://www.iajv.org/  

 Það er gott að ekki eru allir gyðingar jafn siðblindir og stjórnvöld ísraels og stuðningsmenn þeirra á Íslandi og annars staðar á fjöldamorðum og hrellingum.  Skrýtið að þessi viðbjóður eigi sér dyggari aðdáendur hér á Íslandi en meðal viti borinna gyðinga.  


mbl.is Fimm falla í árásum á skóla á Gaza
Tilkynna um óviðeigandi tengingu við frétt

Innskráning

Ath. Vinsamlegast kveikið á Javascript til að hefja innskráningu.

Hafðu samband