Glæsilegt

Glæsilegur árangur, en samt töluverður spölur upp til Kýpverja (70. sæti), sem eru okkar helstu andstæðingar í undankeppni EM.  Raunhæf markmið landsliðsins eru að verða fyrir ofan kýpur í riðlinum og gott má vera ef það tekst.  Ekki myndi skaða ef okkur tækist að stela stigi af af stóru strákunum en ekki má stressa strákana of mikið á því.  Mikilvægt að koma með reisn úr þessu dæmi og ekki þeirri skömm að halda að við séum eitthvað númer á þessum vettvangi og tapa svo öllum leikjunum með glans.  Sannleikurinn er sá að FIFA-listinn setur okkur í langsíðasta sætið og þættu það stórmerki að okkur tækist að hnika því.

 

ÁFRAM ÍSLAND!!

Ísland í 90. sæti á lista FIFA

Hófsamir Ísraelsmenn

Það er með ólíkindum hversu frekir og óhófsamir palestínumenn geta verið þegar ísraelsmenn eru búnir að sýna þeim endalausa háttvísi og mannasiði í áratugi.  Ekki einu sinni hægt að byggja snyrtileg, hófleg úthverfi í Jerúsalem, bara af því að það voru einhverjir palestínumenn sem bjuggu þar nýlega.  Þeir ættu bara að fá sér vinnu og hætta þessu tauti.  Ísrael hefur alltaf haft útrétta samningahönd og ekkert viljað nema að lifa í friði og réttlæti, reyndar með palestínumenn einhverstaðar annarsstaðar.  Miðausturlönd eru stór og mörg og þeir eiga vini út um allt og geta því valið milli landa að flytja til.  Hafa þessir menn ekki lesið gamla testamentið?  Guð sjálfur skrifaði uppá fasteignaskjalið og svo eru líka ísraelsmenn búnir að taka út sínar hremmingar, þannig að nú geta einhverjir aðrir staðið í hremmingum.  

Það er líka dónaskapur að vera að bera einhverjar lygasögur í bandaríkjamenn, sem eru fyrst og fremst vinir ísraelsmanna og ekki palestínumanna.  Ef palestínumenn halda að bandaríkjamönnum líki vel við þá er það bara af kurteisi að bandaríkjamenn þykist vilja þeim eitthvað gott.  Bandaríkjamönnum líkar ekki við gyðingahatara og meiri gyðingahatara en palestínumenn er mikil leit að.  Reyndar eru langflestar þjóðir í heiminum gyðingahatarar, en það er önnur saga.

Fáránlegt að setja skilyrði fyrir friðarumræðum.  Asnar og frekjur.  Almennilegt fólk heldur kjafti og semur við okkur ísraelsmenn.  

Segir Palestínumenn hindra frið

Ástandið í hnotskurn

Þessi uppákoma er ekkert annað en grátbrosleg úr mikilli fjarlægð en að sjálfsögðu tragísk eins og allt annað sem gerist á þessum stað.  Ísraelar gráir fyrir járnum að skjóta hvorn annan í fáti og fumi, þrír aumir og atvinnulausir palestínumenn að reyna að stelast í hlaupavinnu. 

Einhvernveginn sé ég það ekki fyrir mér að þetta ástand á þessu fólki eigi nokkurn tíman eftir að breytast.  Eftir fimmtíu ár verður þetta nákvæmlega eins.  Ísraelsmenn verða auðvitað búnir að finna upp allskonar undratæki sem gera palestínumönnum lífið leitt og palestínumenn finna margar leiðir til þess að eyðileggja þessi tæki og kannski hrella almenna borgara í Ísrael (sem munu vera jafn ofstækisfullir í sínum skoðunum á því hvernig taka beri á þessum palestínumönnum).

 Eftir fimmtíu ár munum við lesa nákvæmlega sömu fréttina.  Ekki koma svo og segja að ég hafi ekki varað ykkur við.

Skutu ísraelskan hermann

Ærleg laun

Þessi 1000 pund á viku er svona ekkert ósvipað og við dauðlegir stritarar þiggjum í laun.  Enda hljóta mæður okkar allar að vera bálreiðar þessum fáránlegu fjárfestingar-stælum í okkur. 

Þessi maður hugsar greinilega ekki eins og okkar Eiður.  Mamma Eiðs hlýtur að vera ánægð.  Þessi Mido heldur greinilega að aðalatriðið sé að spila fótbolta og skilur greinilega ekki að það eru bara smástrákar sem hugsa þannig.  Alvöru menn semja um alvöru laun á alvöru varamannabekkjum.  Svo geta smástrákarnir sparkað bolta fyrir "skít og ekki neitt".

 

Ég hef ekki tíma til þess að þrasa þetta meira.  Verð að sinna fjárfestingunni.

Mamma skammaði mig

Case scenario

 Þetta eru möguleikarnir á fimmtudaginn (með fyrirvara um að ég hafi skilið reglurnar rétt);

 

Danir vinna króata, norðmenn vinna íslendinga=1.Danir 2.Króatar  3.Norðmenn  4. Ísland

Króatar vinna dani, noregur vinnur Ísland með >3mörkum= 1.Króatía 2. Noregur  3. Ísland 4. Danir

Króatar vinna dani, noregur vinnur Ísland með <3mörkum= 1.Króatía 2. Ísland  3. Noregur 4. Danir 

Króatar vinna dani, Ísland vinnur Noreg = 1.Króatía 2. Ísland  3. Danir 4.Noregur

Danir vinna króata, Ísland vinnur Noreg= 1. Ísland 2. Danmörk 3. Króatía  4. Noregur

Danir og Króatar gera jafntefli, norðmenn vinna íslendinga=1.Danir 2.Króatar  3.Norðmenn  4. Ísland

Danir og Króatar gera jafntefli, norðmenn og íslendingar líka=1.Króatía 2. Ísland  3. Danir 4. Noregur

Danir og Króatar gera jafntefli, íslendingar vinna norðmenn=1.Ísland 2. Króatía  3. Danir 4. Noregur

Danir vinna króata, Ísland og Noregur gera jafntefli= 1.Danir 2. Ísland 3. Króatía 4.Noregur

Króatar vinna dani, Ísland og Noregur gera jafntefli=1.Króatía 2. Ísland 3. Danir 4. Noregur

 

Líkurnar á undanúrslitum eru því  7:3 sem hlýtur að teljast yfirgnæfandi.  Reyndar hefur handboltaleikur aldrei unnist á líkunum einum, þannig að maður verður víst að þræla sér gegnum þennan leik við norðmenn á fimmtudaginn og vona að maður lifi þetta af.

Jensen tryggði Dönum sigur gegn Norðmönnum

Blaðamennska á heimsmælikvarða

Enn slær mbl.is heimspressunni við með hreint ótrúlegri blaðamennsku.  Hér er fréttaflutningurinn kominn á æðsta stig, sem um margt minnir á japönsk haiku-ljóð.  Enn eigum við samt eftir að sjá þetta form í sinni hreinustu mynd, sem er þegar fréttirnar eru fluttar sem stutt prump.  Það er væntanlega stutt í það.

Segir stjórnarandstæðinga óvini Guðs

Einfalt vandamál, einföld lausn

Það kemur reyndar ekki fram í fréttinni hvað vandamálið við að vindorkubúum fjölgi svona mikið sé, en ef það er vandamál er lausnin einföld;  bara rífa nokkur þeirra eða bara slökkva á þeim.  Og svo geta þeir nú reynt að hugsa aðeins áður en þeir djöfla upp jafngildi 17 kárahnjúkavirkjana næst.  Persónulega held ég að kínverjar séu á einhverju steraflippi.  Einn daginn hefur enginn heyrt um þá, næsta dag eru þeir 1,5 miljarðar eða þarumbil.  Einn daginn eru bandaríkjamenn bestir og ríkastir, næsta dag eiga kínverjar heiminn.  Ekkert skrýtið eiginlega að þeir byggi OF mörg vindorkubú. 

Vindorkubúum fjölgar of hratt

Sumt sem ekki má segja

Þetta var nú bara ansi heiðarlegt hjá Steingrími.  Ekki hægt að tala um það á Alþingi.  Þar höfum við það, og förum nú að hætta þessu þrasi um það sem hvort sem er ekki má nefna með sínu rétta nafni.  En hjá mér vaknaði spurningin hvort það mætti segja frá þessu á öðrum vettvangi en á Alþingi, t.d. í sjónvarpinu eða á Kaffibarnum.  Eða verður þetta alltaf leyndó?  Kannski er hægt að hringja í Steingrím og fá þetta upplýst persónulega, fyrir þá sem hafa áhuga. 

Það er náttúrulega tími til kominn að einhver taki upp hanskann fyrir hönd virðingu Alþingis og neiti að nota vafasamt orðafar í ræðustól Alþingis.  Annars geti ekki þingmenn gert tilkall til titilsins háttvirtir.

 

Á hinn bóginn má segja að Steingrímur sé vonlaust lélegur að halda leyndarmáli.  

Verður að klára Icesave af ótilgreindum ástæðum

Mér að kenna?

Þessi fullyrðing Tiger Woods kemur að miklum óvörum þar sem fullvíst var talið að brunahaninn og tréið sem hann lenti í árekstri við hefðu staðið á bak við þetta.  Ennfremur vekur mikla athygli hið mikla hugrekki eiginkonu hans, sem fyrst kippti sér ekkert upp við þetta en þegar hún sá að Tiger var meiddur brást hún snaggaralega við og tókst að brjóta afturrúðu bílsins og draga mann sinn út úr bílnum, áður en brunahaninn og tréið náðu að kála honum algerlega. 

Flestar eiginkonur hefðu ekki þorað í slíka áhætturaun, og ótrúlega glöggt af henni að taka eftir að Tiger var meiddur.  

Allt er gott sem endar vel og þau hjón eiga mikinn heiður skilinn fyrir að halda okkur hinum upplýstum um alla málaliði.  Ég var í miklum vafa og hefði eflaust átt erfitt með svefn ef þetta mál hefði ekki verið tekið jafn öruggum tökum, og ekki síst af Morgunblaðinu sem brást skjótt við.  Takk.

Mér að kenna, segir Woods

Lesa marglyttur blöðin?

Ég stóð í þeirri trú að hin margboðaða hnatthlýnun hefði enn sem komið er mælst aðallega í fjölmiðlum.  Þess vegna kom það mér á óvart að þessar marglyttur hefðu í tilefni þessarar hnatthlýnunnar aukið kyn sitt með slíkum tilþrifum að skipaskaði yrði af.  Við nánari lestur um þessar marglyttur komst ég að því mér til mikils léttis að stærð þessara marglyttna hefði ekkert með hnatthlýnun að gera, því ég var farinn að sjá fyrir mér marglyttur á stærð við flugmóðurskip þegar hnatthlýnunin berst af síðum æsifréttablaðanna í höf jarðar.  Þessar marglyttur eru bara svona stórar, líka í venjulegu árferði. Hjúkk.

 

En það virðist samt ekki setja nein takmörk við gáfur þessara skepna.  Þær eru vel að sér um umhverfismál og virðast hafa tekið forystuna í að hagnýta sér boðaða hnatthlýnun.  Kannski ættu fjölmiðlar að fara varlegar í þessum fréttaflutningi sínum ef vera skyldi að fleiri dýrategundir liggi á hleri og bíði eftir tækifæri til þess að koma á okkur höggi.  Svo ekki sé talað um náttúruöflin.  Og hvað ef þessi hnatthlýnun skyldi ekki koma eins og efndir standa til?  Þá má væntanlega reikna með því að þessar marglyttur fari í mál við okkur og krefji okkur um skaðabætur.  Nei, ég tel að við ættum að halda kjafti um þessa hnatthlýnun og spara okkur svona vandræði og koma frekar heiminum á óvart með raunverulegri hnatthlýnun.  Við missum alveg okkar "element of surprise" ef verið er að gaspra þetta í tíma og ótíma út um allar trissur.  Veggirnir hafa eyru.  Marglyttur lesa blöð.

Risamarglyttur ógna japönskum sjávarútvegi