Brotin rökfræði?

11 ára fangelsi ef þú viðurkennir en dauðadómur ef þú neitar? Hmm.. það er víst best að játa á sig vitleysuna þó maður hafi ekkert gert. Getur einhver útskýrt þetta? Kannski vantar einhverjar upplýsingar í þetta hjá mogganum.

Látinn laus eftir 21 ár á dauðadeild

Ögranir

Það er náttúrulega engin ögrun að hálfu BNA að vera með fyrirferðarmikinn flota á ferð og flugi um persaflóa eins og það sé þeirra eigin pollur, með allt þetta umstang í Írak og Afganistan og sífelldar hótanir í garð Írana. Nei nei, bara hreint eðlilegt fyrir þá allavega. Hvernig getur staðið á því að írönum sé svona í nöp við bandaríkjamenn og stressaðir á þeim? Getur verið að Íran sé algjörlega umkringt af BNA og að BNA fari ekkert í felur með að þeim langar alveg rosalega í smá geim?
Þá er það auðvitað hrein gjöf til bandaríkjmanna að einn íranskur hermaður á lítlum spíttbát segist ætla sökkva einu af herskipum BNA. Þá er loksins hægt að sýna heiminum hverjir eru vondu gæjarnir og kannski hægt að fara í stríð við þessa aumingja.
Ef BNA er svo umhugað um miðausturlönd eins og Condolezza lætur í verðri vaka, ættu þau kannski að átta sig á því að langstærsta og öflugusta ríki miðausturlanda er einmitt Íran og að láta hafa eftir sér að Íran sé "mesta hindrunin í í vegi fyrir því að Miðausturlönd þróist í þá átt sem Bandaríkjastjórn vilji sjá" vitnar um algjört skilningsleysi fyrir samvinnu á alþjóðavettvangi og sýnir hver hugur BNA í rauninni er í málum miðausturlanda; þeim er skítsama um hvað miðausturlandabúum finnst sjálfum og hugsa eingöngu um eigin hagsmuni í þessum heimhluta.

Áfram Condi, kill the bastards!

Íranar varaðir við

12. sæti er gott

Undirbúningur liðsins ber þess merki að metnaðurinn er ekki upp á marga fiskana. Sé hugsað til þess hvað við erum í sterkum riðli má það teljast viðunnandi að komast í milliriðil og lenda kannski í neðsta sæti þar. Ef menn hefðu hug á því að komast eitthvað lengra en það held ég að vanda hefði mátt betur til undirbúnings. Stuttur undirbúningur, með örfáa leiki og þessi einkennilega skipting í A og B-lið sem ég fæ ekki séð neinn annan tilgang með en að stela tíma og orku frá skipuleggjendum og þjálfurum. 12. sæti er gott fyrir þetta lið, 11. sæti þrusugott og 10. sæti gjörsamlega óraunhæft.

Gerum betur næst HSÍ.

Alfreð sendir sex leikmenn til Noregs

Sjálfri henni að kenna

Nokkuð augljóst að hún beitti mikilli kænsku til þess að láta drepa sig. Sama má reyndar segja um alla stjórnmálamenn sem hafa lent í svipuðum tilræðum. Ótrúlegt að menn hafi ekki séð þetta fyrr og það þarf djarfan mann eins og Musharraf til þess að benda á þetta. Svo vilja menn leita að sökudólgum hér og þar og sjá ekki að hinn raunverulegi sökudólgur er fórnarlambið, sem augljóslega vissi betur. Tilræðismennirnir eru í raun handbendi fórnarlambsins enda lá það alveg í kortunum að ef þeir fengju færi á henni yrðu þeir að drepa hana. Og hvað gerðist; hún gaf þeim dauðafæri og þá er ekki að sökum að spyrja. Ég votta tilræðismönnunum hérmeð mína samúð og vona að aðrir tilræðismenn þurfi ekki að lenda í sömu hremmingum. Niður með fórnarlömbin!

„Bhutto bar fulla ábyrgð"

Ekki alveg rétt

Samkvæmt wikipedia var það James Goodfellow sem fann upp PIN, og hefur hann fengið orðu fyrir þann verknað.  Hins vegar var lygasaga Shepherd-Barron betri en sannleikurinn.

Hraðbankinn 40 ára

Nei takk

Þetta er alveg ótrúlega fyrirsjánlegt.  Það svíður í þjóðkenndina við þennan lestur að íslenskir ráðamenn skuli ganga að slíkum móðgunarsamningi við þessa norsku nískupúka.  Þeir vilja sem sagt ekkert hafa með þetta að gera ef upp kemur stríðsástand.  Þokkalegir vinir það.  Það má alveg bóka það að fyrir þessa gjafmildu aðstoð þeirra ætla þeir sér að rukka okkur duglega fyrir, t.d. í samningum um fiskveiðar.  Ef höfð er í huga framkoma norðmanna gagnvart íslendingum undanfarna áratugi er ekki erfitt að sjá fyrir norska nískuráðamenn nudda saman höndum með þetta kort á hendinni.  Í rauninni er þetta engin aðstoð við okkar varnir heldur fá þeir nýjan æfingavöll fyrir herinn. 

Ef einhver dugur væri í þessum aumingjum myndu þeir bjóða okkur skilyrðislausan stuðning, ekki síst á ófriðartímum. Ég skora á íslenska ráðamenn að þiggja ekki þessa nískulegu gjöf.  

Samstarf við Norðmenn um öryggismál gildir aðeins á friðartímum

Fyrsta bloggfærsla

Þessi færsla er búin til af kerfinu þegar notandi er stofnaður. Henni má eyða eða breyta að vild.