Þessi auglýsingabrella Google er tær snilld.  Ef Google hefði notað miljón dollara í verkefni sem hefur raunverulega þýðingu í því samhengi sem þetta er hefði það aðeins verið dropi í hafið og ekki skipt nokkrum sköpum.  Það hefði verið betur varið fé séð í ljósi vistvænna framfara, en sem sagt mun lélegri auglýsing því það hefði varla nokkur tekið eftir því.

Þess vegna er þessi fjárfesting snilld.  Fyrir eina miljón fær Google alþjóðlega umfjöllun og tengir sjálft sig við nýsköpun og frumlegar hugmyndir.

Skiptir kannski ekki máli að einu umhverfisbæturnar sem hljótast af þessu eru á bankareikningi Geoff Barnett og svo glæsilegri ímynd Google.  Heldur ekki að þessi hugmynd hlýtur að teljast mjög illa útfært reiðhjól.  Eini staðurinn sem við eigum eftir að sjá þetta fyrirbæri er hér í fréttum og svo getur maður farið heim til Geoff og handleikið prótótýpuna.  

 Aðalatriðið hér er Google.  Google er græna byltingin á öldum ljósvakans.  Google er vinur þinn. Langar þig í Google?  Gjörðu svo vel, það er ókeypis.  Eins mikið og þú vilt.  Ef þú trúir því ekki getur þú bara gúglað það.  

 

Gúgl

	Ferðamáti framtíðarinnar
Ábyrgðarmaður færslu Tilkynna um óviðeigandi tengingu við frétt

Það er nærtækt að líkja Íslandi og íslendingum við áfengissjúkling og fjölskyldu hans.  Allir eru meðvirkir og flæktir í lygahringinn með einum eða öðrum hætti.  Nú er sjúklingurinn kominn í meðferð, en því miður hjá fjölskyldu sinni og ekki séð fyrir endalok lygahringsins.  Íslendingar telja sig þó vera mikla snillinga í meðferð áfengissjúklinga (það er reyndar sama hvað þeir taka sér fyrir hendur, alltaf sama snillin) þannig að kannski verður sjúklingurinn útskrifaður og komin í mikil uppgrip þegar næsta síldatorfa rennir í hlað. 

	Staða þjóðarbúsins verri en opinberar tölur sýna
Ábyrgðarmaður færslu Tilkynna um óviðeigandi tengingu við frétt

Mér hefur verið falið að koma á framfæri leiðréttingu frá bretum og hollendingum;  "we said cash - not ash!

Getur verið að þetta sé viljandi misskilningur?  Svör óskast.

	Fljúga með öskusýnin
Ábyrgðarmaður færslu Tilkynna um óviðeigandi tengingu við frétt

Eftir því sem maður fær meira að vita um hvernig stjórnsýslu þessa lands er/hefur verið háttað birtist manni æ skýrar mafíustíllinn á þessu.  Eini munurinn er, sem betur fer, er að menn eru ekki bókstaflega drepnir þegar á að ryðja þeim úr vegi.  En annars er allt á þessa bókina fært.  Leynifundir, kunningjar, símtöl og annað baktjaldamakk er frekar reglan en undantekningin þegar stjórna á þessu landi. 

Það er vonandi að þessi skýrsla leiði þjóðina og þá sem sitja við stjórnvölinn í ljós um hversu knýjandi þörfin er að breyta þessum mafíuklúbbi í alvöru ríki með tilheyrandi stofnunum sem treystandi er á.

Ég vona að Alþingi bregðist snarlega við og samþykki setningu landsdóms og tilnefndir aðilar dregnir fyrir dóm eins fljótt og auðið er.  Það þarf að loka þessu máli með dómum.

	Nei nei, ekkert að gerast
Ábyrgðarmaður færslu Tilkynna um óviðeigandi tengingu við frétt

Það þarf ekki að mannskepnunni að spyrja.  Eitt er það þó sem vefst eilítið fyrir mér; hvort er það letigenið eða græðgisgenið sem breytti mannapanum í manneskju? 

	Rollur sem rýja sig sjálfar
Ábyrgðarmaður færslu Tilkynna um óviðeigandi tengingu við frétt